کراچی(پاکستان پوائنٹ نیوز07۔دسمبر2016ء) پی آئی اے دی اُڈان پی کے 661حویلیاں وچ ڈِگ کے تباہ ہوگئی۔ جہاز وچ مسافر تے عملے سنے 47بندے سوار سن۔ جہاز وچ پائلٹ صالح جنجوعہ تے کوپائلٹ آل اکرم سنے اک ٹرینی پائلٹ سوار سی جدکہ جہاز وچ دو ائر ہوسٹس صدف فاروق تے عاصمہ عادل سوار سن۔ جہاز وچ سوار بندیاں وچ مشہور مذہبی سکالر تے نعت خواں جنید جمشید، اوہناں دی بیوی نیہا جمشید سنے ڈی سی چترال وڑائچ، علی عتیق، حاجی نواز، علی محمد، محمد خان، اختر محمود، فرخ ناز، فرحت عزیز، احسان، احترام الحق، عائشہ، علی اکبر، گل مرز، عاطف محمود، عتیق محمد، علی گوہر، ہوران گل تے حاجی نواز سنے 47بندے سوار سن۔
جہاز وچ تن غیر ملکی بندے چینگ ہان، ہیروگ ایکلر تے ہیرالڈ کیسلر وی سوار سن۔ جہاز وچ سوار بندیاں وچ 31بندے 9سوانیاں تے تن نکے بال سوار سن ۔ ترجمان پی آئی اے دا کہنا اے کہ جہاز دی تلاش لئی سارے وسائل ورتے جان گے۔
