ن لیگ کول احتساب دے سوا کوئی آپشن نہیں: چودھری سرور

لاہور (پاکستان پوائنٹ نیوز۔30ستمبر 2016) سابق گورنر پنجاب چودھری محمد سرور نے رائے ونڈ مارچ نُوں ن لیگ خلاف عوامی ریفرنڈم قرار دیندیاں ہویاں کہیا اے کہ ن لیگ کول ہُن احتساب دے سوا کوئی آپشن نہیں‘ حکمراناں دی کرپشن ملک لئی ایس ویلے سبھ توں وڈا اندرونی خطرا بن چُکی اے‘ جہدا کل نہیں اج ای خاتما کرا ہووے گا۔ جمعے والے دِن رائے ونڈ مارچ دے موقع اُتے بلوچستان‘ خیبرپختونخوا تے سندھ توں آن والے تحریک انصاف دے کارکناں دے کیمپاں وچ تحریک انصاف بلوچستان دے آرگنائزر سردار یار محمد رند تے ہوراں دے نال میڈیا نال گلبات کردیاں ہویاں چودھری محمد سرور نے کہیا کہ ایہدے وچ کوئی شک نہیں کہ ملک نُوں کئی بیرونی خطرات دا وی ساہمنا اے پر ملک وچ ن لیگ دی کرپشن تے لُٹ مار سبھ توں وڈا خطرا بن چُکی اے۔