خیبر ایجنسی وچ افغان سرحد نیڑے بارودی سرنگ دے دھماکے وچ 2 فوجی جوان شہید، 2 زخمی

راولپنڈی (پاکستان پوائنٹ نیوز17۔اگست 2016ء) خیبر ایجنسی وچ افغان سرحد نال جُڑی وادی راجگل وچ ہون والے بارودی سرنگ دے دھماکے وچ دو فوجی جوان شہید جدکہ دوزخمی ہو گئے نیں۔سرکاری وسیلیاں دے مطابق ایہ واقعہ اوس علاقے وچ پیش آیا جِتھے پاکستانی فوج نے شدت پسنداں خلاف آپریشن شروع کیتا اے۔ سرکاری وسیلیاں دے مطابق آپریشن دے دوران سکیورٹی اہلکار اک مورچے توں دوجے مورچے ول جا رہے سن کہ بارودی سرنگ دا نشانا بن گئے۔ وسیلیاں دا کہنا سی کہ ایس دھماکے وچ دو فوجی جوان شہید جدکہ دوزخمی ہوئے نیں۔ یاد رہوے کہ وادی راجگل وچ آپریشن اوس ویلے شروع ہویا اے جدوں پاکستان وچ دہشت گردی دے خاتمے لئی بنائے جان والے نیشنل ایکشن پلان اُتے عملدرآمد لئی اک اعلا سطح دی کمیٹی بنائی گئی اے۔