سیہون شریف(پاکستان پوائنٹ نیوز18۔فروری2017ء) سیہون شریف دھماکے وچ جتھے لوکاں نے اپنے خاندان دے جیاں نوں گوایا اوتھے ایس دھماکے نے چار بیلیاں نوں ہمیشہ ہمیشہ لئی وکھ کر دِتا۔سیہون شریف درگاہ وچ ہون والے دھماکے نے دو بیلیاں نوں اپنی لپیٹ وچ لے لیا۔تفصیل دے مطابق مسلم باغ دے رہائشی دو بیلی کراچی توں سیر لئی نکلے تے راہ وچ لعل شہباز قلندر دی درگاہ اُتے حاضری دا پروگرام بنایا۔
اوہناں راہ وچ ای لِتیاں گئیاں ساریاں سیلفیاں سوشل میڈیا اُتے اپ لوڈ کرن دے نال نال لعل شہباز قلندر جان دا سٹیٹس وی دِتا پر کسے نوں کیہ پتا سی کہ اوہناں دا ایہ آخری سفربن جائے گا۔ چار وچوں دو بیلی دھماکے وچ شہید ہو گئے۔ شہید ہون والے اک نوجوان وسیم خان مہترزئی نے کُجھ دن پہلے ای امن دا پیغام سوشل میڈیا اُتے شیئر کیتا سی۔ دھماکے وچ بچ جان والے دو بیلیاں نے اپنے شہید بیلی دے وِچھڑن اُتے ہِرکھ دا وکھالا کیتا۔
