نوکیا سمارٹ فون دی دنیا وچ واپسی، چین وچ نوکیا 6اک منٹ اندر ای وِک گیا

پجنگ(پاکستان پوائنٹ نیوز20۔جنوری2017ء) کسے وی فون دی اہمیت تے اوہدے چنگے ہون دا ثبوت اوہدی فروخت وچ لگن والے ویلے توں لایا جا سکدا اے، جے انج ای اے تے نوکیا 6 سمارٹ فون دی دنیا وچ واپسی ڈاڈھی کامیاب رہی۔ ایس گل دا اندازا اودوں ہویا جدوں چین وچ نوکیا 6اک منٹ اندر ای وِک گیا۔ نوکیا 6ہن وی دستیاب اے پر اوہدی مانگ وچ وادھا ہون دے نال نال فروخت وی ودھ گئی تے عین ممکن اے کہ اوس فون نوں ایچ ایم ڈی گلوبل ولوں ملکوں باہر وی وِکن لئی گھلیا جائے گا۔ ایس موبائل فون دا مُل تقریبن 250ڈالر اے۔