لاہور(پاکستان پوائنٹ نیوز18۔جنوری2017ء) صدر فاریکس ایسوسی ایشن ملک بوستان نے آکھیا اے کہ دو مہینیاں دے اندر اوپن مارکیٹ وچ ڈالر 106رُپئے دا ہو جائے گا، لوک وادھو ڈالر مُل لین توں پرہیز کرن،نہیں تے نقصان دا ساہمنا کرنا پے سکدا اے۔ تفصیل دے مطابق اپنے اک بیان وچ اوہناں نے آکھیا کہ گورنر سٹیٹ بنک نوں درخاست کیتی اے کہ اوہ 2مہینیاں لئی 10فیصد ڈالر بنکاں وچ جمع کرن دی شرط ختم کر دین ، جے انج ہو جائے تے ڈالر دی سپلائی ودھن نال ڈالر دا ریٹ گھٹ ہو جائے گا۔
سٹیٹ بنک نے ایکسچینج کمپنیاں نوں ہدایت دِتی اے کہ اوہ اپنیاں جائز لوڑ اںدے تحت ڈالر مرکزی بنک توںبراہ راست لے سکدیاں نیں۔ فاریکس ایسوسی ایشن دے صدر ملک بوستان دا کہنا اے کہ جہڑے لوکاںنے گھراں وچ ڈالر ایس امید نال رکھے نیں کہ اوہدا ریٹ ہور ودھ جائے گا، جلدی ای اوہناں دیاں امیداں اُتے پانی پِھر جائے گا۔ اوہناں دا کہنا سی کہ دو مہینیاں دے اندر اوپن مارکیٹ وچ ڈالر 106رُپئے دا ہو جائے گا۔
