موبائل کمپنی زونگ نے انٹرنیٹ پیکجز دیاں قیمتاں ودھان دا اشارا دے دِتا

موبائل کمپنی زونگ نے انٹرنیٹ پیکجز دیاں قیمتاں ودھان دا اشارا دے دِتا

اسلام آباد(پاکستان پوائنٹ نیوز16۔جنوری2017ء) ٹیلی کام کمپنی زونگ نے اپنے موبائل پیکجز دیاں قیمتاں ودھان بارے غور شروع کر دِتا اے۔ تفصیل دے مطابق 3جی تے 4جی لئی انٹرنیٹ پیکجز دی قیمت وچ وادھا کیتا جائے گا۔ اخبار وچ چھپن والے اشتہار دے مطابق زونگ براڈبینڈ دے 3جی تے 4جی انٹرنیٹ پیکجز دیاں قیمتاں اُتے نظرثانی کیتی جا رہی اے، ایتھے ایہ گل وی ذکر جوگ اے کہ زونگ دے ہور پیکجز وچ کوئی تبدیلی نہیں کیتی جائے گی۔ زونگ خاص کر اپنی 4جی مارکیٹ اُتے توجہ دے رہیا اے جہدے وچ اوہنے دو ملین توں ودھ کسٹمرز نوں اپنے ول متوجہ کیتا اے۔ زونگ دا کہنا اے کہ 2017وچ خاص کر 4جی مارکیٹ اُتے توجہ دِتی جائے گی۔ زونگ ولوں پیکجز دیاں قیمتاں وچ وادھا کُجھ ایس طرحاں کیتا گیا اے۔