وارد تے موبی لنک دے اک ہون مگروں، وارسم رکھن والیاں نوں اپنی سم بدلنی پئے گی

وارد تے موبی لنک دے اک ہون مگروں، وارسم رکھن والیاں نوں اپنی سم بدلنی پئے گی

اسلام آباد(پاکستان پوائنٹ نیوز10۔جنوری2017ء)وارد تے مولی لنک دے اک کمپنی بنن دے بعد موبائل فون کمپنی وارد دے ورتیندڑاں نوں اپنی سم بدلنی پئے گی۔ تفصیل دے مطابق پچھلے دیہاڑے موبی لنک دے چیف ایگزیکٹو آفیسر عامر ابراہیم نے موبی لنک دے پرانے ملازماں نوں اک فیئر ویل پارٹی دِتی تے دسیا کہ ہن توں کمپنی برانڈ جاز ہووے گا۔ وارد کمپنی دے سارے ورتیندڑاں نوں وی جاز دی سم اُتے منتقل کیتا جائے گا۔

جہدا مطلب ایہ اے کہ 3جی تے 4جی دی سہولت حاصل کرن لئی ورتیندڑاں نوں جاز دی سم لینی ہوئے گی۔ دوجے پاسے جاز ورتیندڑ اپنیاں پرانیاں سماں دی ورتوں کردے ہوئے ای 2جی تے 3جی دی سہولت حاصل کر سکن گے پر 4جی سروسز دی ورتوں لئی اوہناں نوں نویں سم مُل لینی پئے گی۔ یاد رہوے کہ کُجھ مہینے پہلے ای ایہ کمپنی اک ہوئی جہدے بعد فور جی سم توں وکھ رہور سماں رکھن والے سارے ورتیندڑاں نوں اپنی سم بدلنی پئے گی۔ جاز دا کہنا اے کہ اوہ وارد دے سارے ورتیندڑاں نوں سم دی اپ گریڈیشن کروان دا آکھے گا۔ ورتیندڑاں دی وارد توں جاز اُتے منتقلی مرحلا وار کیتی جائے گی پر ورتیندڑاں نوں دسیا جائے گا کہ کدوں تے کس طرحاں سم دی منتقلی کروائی جائے۔