اسلام آباد(پاکستان پوائنٹ نیوز20۔دسمبر2016ء) پاکستان وچ ہونڈا ایکارڈ دا 2016 ماڈل متعارف کروا دِتا گیا اے۔ تفصیل دے مطابق چالو ورھے ہونڈا لئی اک زبردست سال رہیا۔ اپنیاں کامیابیاں دے نال نال کمپنی اپنی 40ویں سالگرھا وی منا رہی اے۔ ہونڈا ایکارڈ جہنوں 2005وچ پاکستان وچ متعارف کروایا گیا سی، ہن کمپنی نے ہونڈا ایکارڈ دا جدید ترین ماڈل پاکستان وچ وی متعارف کروا دِتا اے۔
نواں متعارف کروایا گیا ماڈل ایکارڈ فیملی دی نویں جنریشن اے۔ جو دنیا بھر دی پریمیئر گڈیاں وچ اک جدید ترین تے زبردست ماڈل اے۔ ایس گڈی دی بکنگ لئی ہونڈا کمپنی نے 17دسمبر2016توں اجازت دے دِتی اے جدکہ گڈی دی قیمت 11.25ملین رُپئے اے جہدے وچ ایس گڈی دی دو سال لئی وارنٹی وی شامل اے۔ ایکارڈ دا ایہ ماڈل 5رنگاں وچ ہووے گا۔
