پاکستان وچ چالو ورھے جی ڈی پی دی شرح برقرار رہن دی امید

پاکستان وچ چالو ورھے جی ڈی پی دی شرح برقرار رہن دی امید

اسلام آباد(پاکستان پوائنٹ نیوز15۔دسمبر2016ء)چالو ورھے پاکستان وچ جی ڈی پی دی شرح برقرار رہن دی امیددا وکھالا کیتا جا رہیا اے۔ تفصیل دے مطابق ایشین ڈویلپنگ بنک (اے ڈی بی) نے ترقی پذیر ایشیا وچ 2016لئی اقتصادی ترقی نوں 5.6فیصد تیکر ڈاﺅنگریڈ کیتا اے جدکہ سابق پراجیکشن 5.7فیصد سی پر 2017لئی اقتصادی سطح اُتے نمو 5.7فیصد اُتے برقرار رہن دی امید کیتی جا رہی اے۔

ایشین ڈویلپمنٹ آﺅٹ لک وچ اے ڈی بی نے دسیا کہ پاکستان وچ چالو مالی سال لئی، جو جون 2017نوں ختم ہووے گا، جی ڈی پی دی شرح برقرار رہوے گی۔ اپنے پچھلے شمارے وچ اے ڈی بی دے مطابق پاکستان وچ 2016دے مالی سال لئی جی ڈی پی دی شرح 4.5فیصد جدکہ 2017دے مالی سال لئی 4.8فیصد ہووے گی۔ ایس توں وکھ بھارت وچ 2016لئی کیتی گئی جی ڈی پی دی پراجیکشن دی شرح 7.4فیصد توں 7.0فیصد اُتے آ گئی اے، جہدے نتیجے وچ ملک دے زرعی شعبے وچ پائی جان والی سستی تے حکومت ولوں کرنسی نوٹاں دی بدلی پاروں نقدی وچ کمی ہوئی اے۔