اقوام متحدہ نا خصوصی ایلچی کی جی 18نا سفیر آتون یمن اٹی برجاہ تنکی آ ہیت وگپ

صنعاء(پاکستان نیوز پوائنٹ 13جنوری2016ء) اقوام متحدہ نا خصوصی ایلچی اسماعیل ولد شیخ احمد یمن اٹی برجاہ تنکی نا ایسری کن پیش کروک خلیجی امن ڈٹ انامخ تفی ءِ کروک آ رڑانا سفیر آتون اوڑدہی کرینے۔ اوخلیج کمکار کونسل نا جنرل سیکرٹریٹ اٹی مروک آ دااوڑدہی ٹی یمن نا بابت تازہ پیش رفت آ خیال آتا درشانی ءِ کرینے۔ اسماعیل ولد شیخ احمد نا پاننگءِ کہ داسہ عدن آ ہِننگ ءِ ہموڑے او یمنی صدر عبدربہ منصور ہادی و اونا حکومت نا ایلو عہدیدار آتون اوڑدہی کیک و ولدا صنعاٹی حوثی ملیشیا نا لیڈرآتون ہیت وگپ کیک۔ داکان پد او نیویارک آکائک ہراڑے او 25جنوری آ اقوام متحدہ نا سلامتی کونسل ءِ یمن نا تازہ حالیت و تنکی نا ایسری کن تینا کوشست آتیان معلومدار کیک۔