عراقی فورس آتا موصل نا 80درسد دے ٹکی علاقہ غا کنٹرول

بغداد (پاکستان نیوز پوائنٹ 12جنوری2016ء) عراق نا انسداد دہشت گردی فورس قطبی شار موصل نا 80درسد دے ٹکی علاقہ نا دُوارہ کنٹرول ءِ دوئی کرینو و ہموڑے داعش نا جنگوڑوآتے جنگ اٹی شکست آن دوچار کرینو۔ عراق نا انسداد دہشت گردی سروس نا ترجمان صباح النعمان اسہ بیان اسے ٹی پارینے کہ نن ہشتاد آن ہشتاد ءُ پنچ درسد علاقہ ءِ پدی ہلکونن۔ عراق فورس آک امریکہ نا سروکی ٹی سیوت نا فضائی قوت نا کمک اٹ 17اکتوبر آن موصل و اونا ایب وکیب علاقہ غاتیٹی داعش نا برخلاف بھلو و فیصلہ کن کارروائی اس کننگ ءُ۔ اوموصل نا ایب وکیب نا علاقہ غاتیٹی تو ترند رفتاری اٹ جنگی فتوحات دوئی کریسر۔ ولے داوخت اسکان او شار انا دیکی بشخ اٹی پترینگ انگ اٹی سرسہب متنو۔