اوغانستان اٹی بے اُرا مروک آ شاری تا کچ اٹی ودکی

اقوام متحدہ(پاکستان نیوز پوائنٹ 11جنوری2016ء) جنگ زدہ اوغانستان اٹی داخلی مہاجرت آ مجبور شاری تا کچ اٹی ودکی مسنے ۔ جرمن احوالکار آتا رداٹ اقوام متحدہ نا اسہ رپورٹ اسے نا رداٹ 2015ء نا بناء آن داوخت اسکان 6لکھ 20ہزار اوغان شاری تے تینا اُراتے ہلسا داخلی ہمپوئی تما ۔ 2015ء آن مست ہم کم و ود 12لکھ اوغان شاری تینا ہی ملک اٹی مہاجرت نا زند ءِ تدیفنگ آ مجبور ئسر۔ زیات تر اوغان شاری ہمو ملکی علاقہ غاتیان ہمپنگ اٹی ءُ، ہرافتیا کوزہ کن ہموڑے طالبان جنگوڑو و حکومتی دستہ غاتا نیام اٹ جنگ برجاءِ۔