اوغانستان نا سیکورٹی فورس آتا ملک انا کیہی بشخ آتیٹی کارروائی تیٹی کیہی عسکریت پسند آتے کسفنگ نا داوا

اوغانستان نا سیکورٹی فورس آتا ملک انا کیہی بشخ آتیٹی کارروائی تیٹی کیہی عسکریت پسند آتے کسفنگ نا داوا

کابل(پاکستان نیوز پوائنٹ 11جنوری2016ء) اوغانستان نا سیکورٹی فورس آک ملک انا کیہی بشخ آتیٹی کارروائی تیٹی کیہی عسکریت پسند آتے کسفنگ نا داوا کرینو۔ اوغان میڈیا نا رداٹ کمامدارآک پاریر کہ صوبہ لوگر اٹی گدرینگوک آ اِرا ہفتہ غاتیان شدت پسند آتا برخلاف کارروائیک برجاءُ ہراٹی داوخت اسکان 100 آن زیات عسکریت پسند تپاخت کرینو۔ کمامدارآک پاریر کہ کارروائی تیٹی کیہی پینک ٹھپی مسر۔

سیکورٹی فورس آک بھلو کچ اسے ٹی سلہہ و گولہ بارود ہم دوئی کرینو۔ قطبی صوبہ بدخشاں و جوزجان اٹی جھیڑہ غاتیٹی 14عسکریت پسند تپاخت کریر۔صوبہ ہلمند اٹی جھیڑہ غاتیٹی 16عسکریت پسند آتا کسفنگ نا داوا کننگانے۔ کمامدارآتارداٹ 200 نا خڑک طالبانک ضلع گریشک نا بنجاغا جلہو کریر اوکان پد جھیڑہ غاتا بناء مس ۔ اوغان کمامدارآتارداٹ صوبہ نیمروز اٹی جھیڑہ غاتیٹی 44عسکریت پسند تپاخت کریر۔ داجھیڑہ غاک صوبہ نا جتا علاقہ غاتیٹی مسر۔