اوغانستان اٹی بیدادی نا واقعہ غاتیٹی چار سیکورٹی کارندہ غاتون اوار 10 بندغ تپاخت، کیہیک ٹھپی

اوغانستان اٹی بیدادی نا واقعہ غاتیٹی چار سیکورٹی کارندہ غاتون اوار 10 بندغ تپاخت، کیہیک ٹھپی

کابل(پاکستان نیوز پوائنٹ 10جنوری2016ء) اوغانستان اٹی بیدادی نا واقعہ غاتیٹی چار سیکورٹی کارندہ غاتون اوار 10 بندغ تپاخت و کیہیک ٹھپی مسنو۔ اوغان میڈیا نا رداٹ کمامدارآک پاریر کہ تدوک آ دے زابل نا ضلع ارغنداب اٹی طالبانک اسہ سیکورٹی چیک پوسٹ اسے آ جلہو کریر ہراٹی اسہ فوجی کارندہ اسے تون اوار 4سیکورٹی کارندہ تپاخت و کیہیک ٹھپی مسر۔ داواقعہ غان پد سیکورٹی فورس و طالبان تا نیام اٹ اسہ ایلو آ سم کاری کریر۔ قطبی صوبہ بدخشاں ٹی اسہ جھیڑہ اسے ٹی 6 عسکریت پسند تپاخت و 12ٹھپی مسر۔ کمامدارآتارداٹ صوبہ نا کیہی علاقہ غاتیٹی عسکریت پسند آتا برخلاف کارروائیک برجاءُ ۔ اوغان کمامدارآک صوبہ بغلان اٹی 17 خلق آتے عسکریت پسند آتیان کلیئر کرفنگ نا داوا کرینو۔