دے ٹکی اوغانستان اٹی کارروائی ٹی داعش نا 5جنگوڑو تپاخت، ہلمند اٹی وخت آن مہالو راکٹ نا ترخنگ آن 6طالبان تپاخت کریر، لغمان اٹی اسہ اُراسے آ دستی بمب اسے نا جلہو اٹی 10 بندغ تپاخت، 4ٹھپی

دے ٹکی اوغانستان اٹی کارروائی ٹی داعش نا 5جنگوڑو تپاخت، ہلمند اٹی وخت آن مہالو راکٹ نا ترخنگ آن 6طالبان تپاخت کریر، لغمان اٹی اسہ اُراسے آ دستی بمب اسے نا جلہو اٹی 10 بندغ تپاخت، 4ٹھپی

کابل(پاکستان نیوز پوائنٹ 21فروری2016ء) دے ٹکی اوغانستان اٹی کارروائی ٹی داعش نا 15جنگوڑو تپاخت کریر، ہلمند اٹی وخت آن مہالو راکٹ نا ترخنگ آن 6طالبان تپاخت کریر، لغمان اٹی اسہ اُراسے آ دستی بمب جلہو اٹی 10 بندغ تپاخت و 4ٹھپی مسنو۔ اوغان میڈیا نا رداٹ کمامدارآک پاریر کہ ننگر ہار نا علاقہ کوٹ اٹی شدت پسند آتا برخلاف کارروائی کننگا ہراٹی فضائیہ ءِ کاریم اٹ ہم اتنگا۔

کمامدارآک پاریر کہ داکارروائی ٹی داعش نا 15دہشت گرد تپاخت کریر۔ دا کارروائی آپریشن شاہین 25نا رداٹ مننگ ءِ۔ ننگرہار نا ضلع خوگیانی ٹی کمامدارآک 10 طالبان ءِ دزگیر کریر۔ سویلی صوبہ ہلمند اٹی وخت آن مہالو راکٹ اسے نا ترخنگ آن 6 طالبان تپاخت کریر۔ کمامدارآتارداٹ طالبان جنگوڑو لشکرگاہ نا خڑک جلہو کن تیاری کریرہ کہ ہمووخت آ راکٹ وخت آن مست ترخا۔

دے ٹکی صوبہ لغمان اٹی اسہ اُراسے آ دستی بمب انا جلہو اٹی 10 بندغ تپاخت و 4ٹھپی مسر۔ کہوک آتیٹی چناونیاڑی ہم اوار ارے۔ نیامی ارزگان اٹی جھیڑہ غاتیٹی چار پولیس کارندہ تپاخت و کیہی ایلوک ٹھپی مسر۔ کمامدارآتارداٹ دا جھیڑہ غاک نیامی علاقہ ٹی طالبان نا اسہ جلہو اسے آن پد مس۔ کمامدارآک جھیڑہ غاتیٹی چندی شدت پسندآتے تپاخت کننگ نا داوا کرینو۔