لاہور(پاکستان نیوز پوائنٹ 28اکتوبر2016ء) پاکستان باکسنگ کونسل 5نومبر آن گوادر اٹی سپر بنٹم ویٹ کیٹیگری ٹی نیشنل چیلنج بیلٹ کرفنگ نا پڑو ءِ کرے۔ سیکرٹری پی بی سی رشید بلوچ پارے کہ افراز خان نا سروکی ٹی پاکستان باکسنگ کونسل نا رداٹ مروک آ دا چیلنج مقابلہ ٹی کوئٹہ نا محمد وقاص نادر بلوچ ءِ 56کلو گرام سپر بنٹم ویٹ کیٹیگری ٹی چیلنج کرینے۔ نادر خان پاکستان نا انٹرنیشنل باکسر ءِ ہرا 2014ء نا کامن ویلتھ گیمز، 2014ء نا ایشین گیمز و ساؤتھ ایشین گیمز اٹی ہم شرکت کرینے۔
رشید بلوچ نا رداٹ وقاص ہم اسہ قومی باکسر اسے ہرا یوتھ کلب کوئٹہ ٹی عطامحمد کوچنگ اٹی ٹریننگ ہلیک۔ دا بھلا فائٹ آن بیدس کیہی انڈر کارڈز مقابلہ ہم منعقد مریک ہرافتے کن باکسر ز جتا ویٹ کیٹیگریز اٹی تینا رجسٹریشن کرفنگ ءُ۔ اوپارے کہ پی سی بی نا کانودی سلاہکار سردار حلیمی دا مقابلہ و بیلٹ ءِ کٹوک آکن 20ہزار روپئی انعام نا خڑچہ ہم ہرفنگ ءِ وخت اس کہ دا مقابلہ غاتا غٹ بست و بند آتے پی بی سی نا نائب صدر حمید بلوچ ہرفنگ ءِ۔
