پاکستان ءُُ آسٹریلیا ءِ نیام ءَ سے میچ آں سیریز ءِ دومی میچ 26دسمبر ءَ بندات بیت

برسبین (پاکستان نیوز پوائنٹ 19دسمبر2016ء) پاکستان ءُُ آسٹریلیا ءِ کرکٹ ٹیم آنی نیام ءَ سے ٹیسٹ میچ آنی سرا ھوار سیریز ءِ دو می ٹیسٹ 26دسمبر ءَ میلبورن کرکٹ گراؤنڈ ءَ بندات بیت آسٹریلیا ءَ پاکستان ءِ ھلاپ سے میچ آنی سیریز ءَ 1-0ءِ بر تری بوتگ انت۔ کینگروز ءَ پاکستان ءَ اولی ٹیسٹ میچ ءَ 39رنز ءَ شکست داتگ ات۔ پاکستانی ٹیم مصباح الحق ءِ سروکی ءَ میدان ءَ کائینت چوشکہ آسٹریلوی ٹیم ءِ کپتانی ءِ فرائض سٹیون سمتھ کنت۔ اے میچ روچ ءَ بیت ءُُ پاکستان ءِ شریں وھد ءِ ردا 4بج 30منٹ ءَ بندات بیت۔ دلگوش بہ بیت کہ دوئیں ٹیم آنی نیام ءَ دومی ٹیسٹ 26ءَ تاں 30دسمبر ءَ میلبورن چوشکہ سیمی ءُُ آھری ٹیسٹ 3ءَ تاں 7جنوری ءَ سڈنی ءَ لیب کنگ بیت۔