پاکستان و آسٹریلیا نا نیام اٹ مسہ میچ آتا سیریز نا ارٹ میکو میچ 26دسمبر آن بناء کیک

برسبین(پاکستان نیوز پوائنٹ 19دسمبر2016ء) پاکستان و آسٹریلیا نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا ارٹ میکو ٹیسٹ 26دسمبر آن میلبورن کرکٹ گراؤنڈ اٹی بناء کیک۔ آسٹریلیا ءِ پاکستان نا برخلاف مسہ میچ آتا سیریز اٹی 1-0 نا برتری دوئی ءِ، کینگروز پاکستان ءِ اولیکو ٹیسٹ میچ اٹی 39 رنزاٹ شکست تسوسس۔ پاکستانی ٹیم مصباح الحق نا سروکی ٹی پٹ اٹی دڑنگک وخت اس کہ آسٹریلوی ٹیم نا کیپٹنی نا فرض ءِ سٹیون سمتھ انجام ایتک۔ دا میچ ڈے مریک و پاکستان نا معیار وخت انا رداٹ 4بجہ ءُ 30 منٹ آ بناء کیک۔ یات سلے کہ ہڑتوم آ ٹیم تا نیام اٹ ارٹ میکو ٹیسٹ 26آن 30 دسمبر اسکان میلبورن وخت اس کہ مسٹ میکو و آخریکو ٹیسٹ 3آن 7 جنوری اسکان سڈنی ٹی گوازی کننگک۔