یاسر شاہ ءِ بولنگ تکنیک گچین جوڑ کننگ نا گرج ءِ، صادق محمد

لاہور (پاکستان نیوز پوائنٹ 16دسمبر2016ء) مسکوہی ٹیسٹ کرکٹر صادق محمد پارینے کہ لیگ سپنر یاسر شاہ ءِ تینا بولنگ نا تکنیک ءِ گچین جوڑ کننگ نا گرج ءِ، سجفسا سمجھسا بولنگ کے تو زیات سرسہب مننگ کیک۔ جمعہ نا دے اے پی پی تون خصوصی ہیت وگپ کرسا اوپارے کہ یاسر شاہ نا بولنگ اٹی اِرا غلطی ءُ ہرافتا سوب اودے بولنگ اٹی نسخان مننگ ءِ ۔ او تینا اوور ءِ زوت آن زوت ختم کننگ نا کوشست کیک ہرانا سوب بلے باز آتے ڈٹ بندی اتون بولنگ کرفنگ کپک، اودے مرے کہ او گیند کننگ آن مست اول زرس سوچے کہ بلے باز ءِ ہراوڑنا گیندکرفوئی ءِ۔