برسبین(پاکستان نیوز پوائنٹ 16دسمبر2016ء) پاکستانی ٹیم نا کیپٹن و سینئر بلے باز مصباح الحق اسہ پین اعزاز اسے نا خڑک آٹی ءِ، اودے بحیثیت کیپٹن 4ہزار ٹیسٹ رنز پورو کننگ کن 133رنز درکار ءِ، او دامزل ءِ عبور کروک آ اولیکو پاکستانی کیپٹن جوڑ مریک۔ مصباح الحق 2010ء ٹی پاکستانی ٹیسٹ ٹیم انا سروکی نا زمواری ءِ سنبھالاسس، او50میچ آتیٹی داوخت اسکان 3867رنز جوڑ کرینے و بطور کیپٹن چار ہزار رنز پورو کننگ کن اودے پین 133رنز انا گرج ءِ اومیت ءِ کہ او آسٹریلیا نا برخلاف ٹیسٹ سیریز اٹی دا عزاز ءِ دوئی کرسا پاکستان نا اولیکو و دنیا نا نہہ میکو کیپٹن جوڑ مریک، او8سنچری ہم سکور کرینے۔
ٹیسٹ کرکٹ نا تاریخ اٹی بطور کیپٹن زیات رنز جوڑ کننگ نا جہانی اعزاز مسکوہی سویلی افریقن قائد گریم سمتھ ءِ دوئی ءِ ہرا8659رنز جوڑ کرینے ۔
