صدر مملکت ممنون حسین ءِ نیشنل ڈیفنس یونیورسٹی ءَ سکیورٹی ءُُ وار کورس ءِ گریجویشن مراگش ءَ گوں تران

صدر مملکت ممنون حسین ءِ نیشنل ڈیفنس یونیورسٹی ءَ سکیورٹی ءُُ وار کورس ءِ گریجویشن مراگش ءَ گوں تران

اسلام آباد(پاکستان نیوز پوائنٹ 13جنوری2016ء) صدر مملکت ممنون حسین ءَ گوشت کہ جنگ ءِ پڑ ءَ ناشرکاری ءَ را شکست دیگ ءَ پد نوں آوانی پگر ءُُ ساچ آناں شکست دیلگ ءِ ضلورت اِنت ایشی ءِ ھاترا ھاسیں گامگیج کنگ لوٹیت، اے رد ءَ ریاست ءِ بازیں کارگس ، سرکاری زمہ واریں مردم، ھال رسانکی در ءُُ وانگ ءُُ زانگ ءِ شوبگ ءَ ارزشتی ایں کرد ءِ پیلو کُت کنت، وانگ ءُُ زانگ ءَ دیمروئی دیگ ءَ چہ ناشرکاری ءِ تگرت پتاھگ بوت کنت۔

صدر ءِ مملکت ءَ اے گپ نیشنل ڈیفنس یونیورسٹی ءَ آدینگ ءِ روچ ءَ سکیورٹی ءُُ وار کورس ءِ گریجویشن مراگش ءَ گوں تران کنان ءَ گوشت۔ اے موہ ءِ سر ءَ این ڈی یو ءِ صدر لیفٹیننٹ جنرل رضوان اختر ءَ ھم گشتانک ءِ تہ ءَ گوشت راجی سلامتی ءِ دیم ءَ اوشتاتگیں بیم آں گوں دیم پہ دیمی بوھگ ءِ ھاترا جوانیں گامگیج آنی بابت ءَ بریفنگ دات۔ گریجویشن مراگش ءَ بُنجاھی وزیر برائے منصوبگ بندی احسن اقبال، سینیٹر مشاہد حسین سید، پارلیمنٹ ءِ باسک، چیئرمین جوائنٹ چیف آف اسٹاف کمیٹی جنرل زبیر محمود حیات ءُُ ٹوھیں اُلسی ءُُ اُردی کارندہ آں بھر زُرت۔

صدر ءِ مملکت ءَ گوشت کہ چیلنج آں گوں دیم پہ دیم بوھگ ءِ ھاترا جوانیں رپک ھڈ دیگ لوٹیت۔ اے رد ءَ ورنا وتی کرد ءَ گوں جوانیں ءَ پیش بدار اِنتءُُ زندمان ءِ تک آں گیشاں چہ گیش دیمروئی بکن اَنت۔ اے رد ءَ مئے دومی ءُُ مستریں زمہ واری بے روزگاری ءَ را ھلاس کنگ اِنت چیا کہ بے روزگاریءَ چہ اُمیت ءِ ھلاسی ءُُ کست ءُُ کنّت جہ جن اَنت۔