سی پیک نا سوب ملکی و درملکی زرکارنا کنڈا متوجہ مننگ ءُ، مسکوہی وزیر خزانہ ڈاکٹر سلمان شاہ

سی پیک نا سوب ملکی و درملکی زرکارنا کنڈا متوجہ مننگ ءُ، مسکوہی وزیر خزانہ ڈاکٹر سلمان شاہ

اسلام آباد(پاکستان نیوز پوائنٹ 13جنوری2016ء) مسکوہی وزیر خزانہ ڈاکٹر سلمان شاہ پارینے کہ سی پیک نا سوب ملکی و درملکی زرکارآک پاکستان نا کنڈا متوجہ مننگ ءُ۔ احوالکارآتون ہیت وگپ کرسا اوپارے کہ جہانی بینک مالی سال 2017ء ٹی شرح نمو5.2درسد و 5درسد و سال 2018ء ٹی 5.4مقرر کرینے۔ اوپارے کہ جہانی بینک انا ودیکی کڑز آتا سرسہب پوروی دا چرجوئی ٹی اہم ثابت مسنے۔

اوپارے کہ جہانی بینک پاکستان نا شونداری ٹی ودکی نا رداٹ داڑآ نظرثانی کرسا سال 2017ء کن شونداری نا کچ اٹی 5درسد و سال 2018ء ٹی شونداری نا کچ 5.4مقرر کرینے۔ بینک انا پاننگ ءِ کہ پاکستان نا شونداری نا کچ ودکی، ضرورت نا گڑاتا نرخ آتیٹی کمتی، بنداوی ڈھانچہ ٹی زرکاری و حکومت نا گچین اصلاحات نا نتیجہ مسنے۔ سلمان شاہ پارے کہ شونداری نا بنداوی سوب چین پاکستان اقتصادی راہداری ڈٹ ءِ ہرانا سوب ملکی و درملکی زرکارآک پاکستان نا کنڈا متوجہ مسنوو توانائی تنکی نا مون ءِ توننگ اٹی ہم کمک رسینگانے ہرانا سوب لوڈشیڈنگ اٹی ہم کمتی واقع مسنے۔

اوپارے کہ سی پیک نا کمک اٹ جوڑ مروک آ بنداوی ڈھانچہ ءِ اگہ جوان وڑاٹ ایڈورٹائزکننگے تو داڑآن پاکستان ءِ پین ہم شونہالی و روزگار ملنگ کیک و پاکستان تون اوار ڈیہہ نا معیشت اٹی ہم گچینی بننگ کیک۔