اسلام آباد(پاکستان نیوز پوائنٹ 13جنوری2016ء) وزیر پارلیمانی امور شیخ آفتاب احمد پارینے کہ خیبر ایجنسی ٹی پولیو نا پڑی تیان ہچ ءُ چناسے نا مرک متنے ولے داواقعہ نا جاست و پاست کننگ انگ ءِ۔ جمعہ آ ایوان بالا ٹی سینیٹر میرکبیر احمد محمد شہی نا توجوہ مبذول نوٹس نا ورندی ءِ ترسا اوپارے کہ مہالو دُن ءُ ہچ ءُ واقعہ اس پیش بتنے کہ پولیو نا پڑی پڑی کُننگ آن چناسے نا مرک مسنے۔
خیبر ایجنسی ٹی داوڑنا واقعہ نا انکوائری نا حکم تننگانے ہراچناک کسکنواوفتا لمہ و باوہ غاک پوسٹ مارٹم کرفنگ آن انکار کرینو۔ ڈاکٹر آتا ٹیم پک کرینے کہ پولیو نا پڑیک سہی ئسر و اوفتے ٹی ہچ ءُ خرابی اس الوکہ۔ مچ آ دنیا ٹی داڑآن زیات رکھوک ویکسین دستیاب اف۔ پاکستان اٹی پولیو نا بھلو حد اسسکان مون ءِ توننگانے۔ خیبر ایجنسی نا واقعہ نا مستی جاست وپاست کننگ انگ ءِ۔ ہراچناتا مرک مسنے او پڑی کُننگ نا دمدستی پد متنے۔
