کوئٹہ(پاکستان نیوز پوائنٹ 24اکتوبر2016ء) سر وزیر بلوچستان نواب ثناء اللہ خان زہری ءَ زاھگ آں پولیو ویکسینءِ پڑ وارینگ ءَ پولیو مہم ءِ با قاعدہ افتتاح کرتگ۔ چوشکہ آئیءَ اے ازم ءِ درشانی کرتگ انت کہ زوت بلوچستان ءَ پولیو ءَ سرجمی وڑ ءَ پاک کنگ ءِ ہدف گرگ بیت۔ صوبائی وزیر سردار محمد اسلم بزنجو، میر مجیب الرحمن محمد حسنی، عبید اللہ جان بابت، سردار در محمد ناصر، باسک صوبائی اسمبلی حاجی اسلام بلوچ، میئر کوئٹہ ڈاکٹر کلیم اللہ خان ءُُ سیکرٹری جان سلامتی نور الحق بلوچ ہم اے موہءَ ھوار ات۔
سر وزیر بلوچستان نواب ثناء اللہ خان زہری ءَ گشتگ انت کہ صوبہ ءَ پولیو چشیں موذی نا دراہی ءِ ھلاسی ءِ ھاتر ءَ حکومت زوتیں بنیات ءَ گام گیج کنگ ءَ انت اے ھوالہ ءَ مات ءُُ پت علماء کرام، سیاسی ءُُ کٹھمی مردم آں پولیو مہم ءِ سر سوبی ءَ وتی کرد پیش دارگ بیت تنکہ زوت ءَ چہ زوت بلوچستانءَ پولیو ءَ پاک صوبہ جوڑ کنگءِ ہدفت بہ رسیت۔ سر وزیر ءَ گشتگ کہ میاں استمانی پولیو روچ ءِ ھوالہ ءَ بندات بوؤکیں پولیو مہم باز ارشت داریت آئی ءِ سر سوبی ءِ ھاتر ءَ رضا کار، انتظامیہ ءُُ محخمہ جان سلامتی ءِ کارندہ آں زیات محنت ءُُ لگن ءِ گوں کار کنگ بیت ءُُ صوبہ ءِ ہر دمگ ءَ پجارینگ یقینی جوڑ کنگبیت تنکہ ھچ ہم زاھگ پولیو ویکسین ءَ مہ بچت، سر وزیر ءَ اے موہ ءَ پنت ءُُ شون کرتگ کہ پولیو ٹیم آنی فول پروف سیکورٹی ءُُ ٹرانسپورٹ ءِ آسراتی دئیگ بہبیت۔
آئیءَ گشتگ کہ زاھگ مئے باندات انت ءُُ آھانی نشو نما ءُُ جان سلامتی ءِ رکھگ مئے راجی فرض انت سر وزیرءَ ھاسیں وڑ ءَ مات ءُُ پت آں دست بندی کرتگ کہ آ وتی پنچ سال ءَ کم عمر زاھگ آں پولیو ویکسینءِ پڑ ضلور بہ وار ین انت تنکہ آھاں اے موذی نا دراہی ءَ رکھت بہ کن انت۔
