کوئٹہ(پاکستان نیوز پوائنٹ 30ستمبر 2016ء) ترجمان حکومت بلوچستان انوار الحق کاکڑ ءَ لائن آف کنٹرول ءِ سرا بھارتی تیر کاری ءِ سک زار شانی کنگ ءَ گشتگ کہ بھارت یک غلط فہمی ءَ مہ بیت پاک فوج ہر وڑیں جارحیت ءِ جواب دئیگ ءِ سرجمی ءَ صلاحیت داریت ءُُ پورا راج وطن عزیز ءِ دفاع ءِ ھاتر ءَ پاک فوج ءِ گوں اوشتاتگ انت۔ اے ھیال آنی درشانی ءَ جمعہ ءَ اے پی پی ءِ گوں گپ ءُُ تران کنگ ءَ کرتگ۔
انوار الحق کاکڑ ءَ گشتگ کہ بے گناہ ءُُ معصوم شہری آنی سرا تیر کاری ءُُ 2فوجی ورنا آنی شہادت باز بزدلانہ کار انت دژمن مئے ھاموشی ءَ کمزوری مہ سمجھیت۔ بھارت ءَ جارحیت کرتگ گڑا بلوچستان ءِ اُلس سیسہ پلائی بوھگ ءَ دیوال جوڑ بوھگ ءَ فوج پاکستان ءِ گوں اوشتیت۔ آئی ءَ گشتگ کہ میاں استمانی برات بھارت ءِ نیمگ ءَ بلا جواز تیر کاری ءِ نوٹس بہ گیت۔ یک جست ءِ پسو ءَ انوار الحق کاکڑ ءَ گشتگ کہ مسئلہ کشمیر ءِ کشمیری اُلس ءِ واہشت ءُُ امیت ءُُ اقوام متحدہ ءِ قرار داد آنی ردا ھل بوھگ خطہ ءَ امن ءُُ وشحالی ءِ ھاتر ءَ نا گزیر انت۔
