ضلع خاران اٹی دا پروگرام نا رداٹ 50 ہزار ٹیسٹ کٹ تون اوار 50 ہزار بندغ کن زردوئی ویکسین فراوان کننگک و اسہ ہفتہ سے نا تہٹی دا پروگرام نا رداٹ ضلع خاران نا خلقت کن ہیڈکوارٹر ہسپتال اٹی آسراتی فراوان کننگک تانکہ خلقت ءِ اوفتا درگہ و بروخت دوائی ، ویکسین و ٹیسٹ کٹ تننگک، صوبائی کوآرڈینیٹر ڈاکٹر اسماعیل میروانی نا ”اے پی پی“ تون ہیت وگپ

ضلع خاران اٹی دا پروگرام نا رداٹ 50 ہزار ٹیسٹ کٹ تون اوار 50 ہزار بندغ کن زردوئی ویکسین فراوان کننگک و اسہ ہفتہ سے نا تہٹی دا پروگرام نا رداٹ ضلع خاران نا خلقت کن ہیڈکوارٹر ہسپتال اٹی آسراتی فراوان کننگک تانکہ خلقت ءِ اوفتا درگہ و بروخت دوائی ، ویکسین و ٹیسٹ کٹ تننگک، صوبائی کوآرڈینیٹر ڈاکٹر اسماعیل میروانی نا ”اے پی پی“ تون ہیت وگپ

خاران(پاکستان نیوز پوائنٹ 21فروری2016ء) وزیراعلیٰ بلوچستان نا پروگرام تدارک زردوئی نا صوبائی کوآرڈینیٹر ڈاکٹر اسماعیل میروانی پارینے کہ ضلع خاران اٹی دا پروگرام نا رداٹ 50 ہزار ٹیسٹ کٹ تون اوار 50 ہزار بندغ کن زردوئی ویکسین فراوان کننگک و اسہ ہفتہ سے نا تہٹی داپروگرام نا رداٹ ضلع خاران نا خلقت کن ہیڈکوارٹر ہسپتال اٹی آسودہی فراوان کننگک تانکہ خلقت ءِ اوفتا درگہ غا بروخت دوائی، ویکسین و ٹیسٹ کٹ تننگک انتئے کہ ضلع خاران اٹی مون انگا زردوئی نا مریض آتا کچ بھاز زیات ءِ و دانا تدارک و درمان کن اوفتے ہروڑنا کمک و طبی آلات تننگک، داہیت ءِ او ”اے پی پی“ تون ہیت وگپ کرسا پارے۔

اوپارے کہ ضلع ٹی اسکریننگ و درمان نا زوت آن زوت بناءِ کننگک صوبائی حکومت دا مرض انا چٹفنگ کن بلوچستان اٹی زردوئی کون آ خراب انگا مرض آتا برخلاف ہڑدڑی بنداو تیا صوبہ نا مر مر انگا علاقہ غاتیٹی ویکسین تننگ آن بیدس مفت اسکریننگ نا آسراتی تننگک۔ اوپارے کہ ضلع خاران اٹی دامرض آن زہمی مریض و لس خلقت ءِ دا مرض آن بچفنگ کن مفت طبی آلات تننگ انگ ءِ تانکہ دا مرض ءِ چٹفنگ و دانا تدارک مننگ کے۔